Tónveisla við Tjörnina-AFLYST

Tónveisla við Tjörnina 

Júnús Meyvant - Vestmannaeyinginn þarf vart að kynna en hann hefur verið einn ástsælsti tónlistarmaður íslendinga síðustu 10 ár eða alveg síðan hans fyrsta lag, Color Decay kom út árið 2014. Hann hefur haldið áfram að grípa hug og hjörtu heimsins með lögum á borð við Signals, Gold Laces og Ain’t Gonna Let You Drown svo eitthvað sé nefnt. Ferillinn spannar nú þegar þrjár breiðskífur og tvær stuttskífur og ætlar hann að koma fram fram ásamt frækinni hljómsveit sinni.

BEAR THE ANT -  er tónlistarverkefni þeirra Björns Óla Harðarsonar og Davíðs Antonssonar. Þegar frumraun dúósins kom út, EP platan Uncoscious, vöktu þeir strax talsverða athygli með draumkenndum hljóðheimi, melódískum lagasmíðum og skapandi tónlistarmyndböndum.Tónlistin er fersk blanda af psýkadelísku/indie rokki og pop tónlist, en tvö lög plötunnar fóru beint í toppsæti X977. Þeir munu koma fram ásamt fullri hljómsveit þar sem öllu verður til tjaldað.

Kári Egils - Kári er 22 ára söngvari, píanóleikari og lagahöfundur. Á síðasta ári gaf hann út plötuna Palm Trees In The Snow, sem fékk mjög góðar viðtökur. Kári spilaði á Airwaves í fyrra og var var valinn Bjartasta vonin á Íslensku tónlistarverðlaununum í ár. Tónlist Kára er melódísk en samt framsækin, með ríkum útsetningum. Það má greina áhrif frá hinu og þessu, meðal annars sálartónlist og popp- og rokktónlist síðustu aldar. Í hljómsveitinni eru Ívar Andri Klausen á gítar, Friðrik Örn Sigþórsson á bassa, Bergsteinn Sigurðarson á trommur, og Magnús Þór Sveinsson á hljómborð. Saman munu þeir spila efni af Palm Trees og væntanlegri plötu sem kemur út í haust.

Húsið opnar kl. 19:00 og tónleikar hefjast kl. 20:00.