Extreme Chill Festival 2025 -Hátíðarpassi

Tónlistarhátíðin Extreme Chill fer fram í Reykjavík dagana 3.–7. september, en þetta er í 16. sinn sem hátíðin er haldin.

Í ár stígur fjöldi íslenskra og erlendra listamanna á svið, þar á meðal: Seefeel, John Maus, Matt Black (Coldcut / Ninja Tune), Loscil, Drew McDowall, Hekla, Þóranna Björnsdóttir, Antonina Nowacka, R-O-R (Gyða Valtýsdóttir & Úlfur Hansson), Romeo Poirier, Hrafnamynd/Patricia Wolf, og fleiri.
Hátíðin fer fram á ýmsum spennandi stöðum í miðborg Reykjavíkur, þar á meðal í Gamla Bíó, Iðnó, Bíó Paradís, Húrra, Space Odyssey, og víðar.

Extreme Chill er ein langlífasta tónlistarhátíð landsins og hefur verið haldin óslitið í 15 ár. Hátíðin hefur vakið athygli víða um heim og skipar sér nú mikilvægan sess í íslensku tónlistarlífi fyrir einstakan fókus sinn á tilraunakennda raf- og sveimtónlist. Hún hefur orðið uppspretta fjölda verkefna, þar á meðal útgáfa, tónleika, samstarfa og ógleymanlegra uppsetninga – bæði hér heima og erlendis.

Hátíðarpassi á alla fimm dagana kostar einungis 19.900 kr.

Fimm daga tónlistarveisla þar sem íslenskir og erlendir listamenn á öllum aldri mætast í sköpun undir áhrifum íslenskrar náttúru.

Einstakur viðburður sem enginn ætti að láta fram hjá sér fara – leyndardómsfullt ferðalag um rafræna Reykjavík.