Kvennakór Reykjavíkur – Í allri sinni dýrð

Kvennakór Reykjavíkur verður „í allri sinni dýrð“ á jólatónleikum í Víðistaðakirkju laugardaginn 5. desember kl. 17:00. 

Flutt verður fjölbreytt jólatónlist, hátíðleg, hlý, ljúf og einlæg, en ekki síður glaðvær og gleðileg. Á efnisskránni eru meðal annars klassíska perlan Ave María eftir Sigvalda Kaldalóns, Laudate Dominum eftir Mozart og A Ceremony of Carols eftir Benjamin Britten, ásamt íslenskum jafnt sem erlendum jólasálmum og þjóðlögum. 

Flytjendur 

• Kvennakór Reykjavíkur
• Einsöngur: Hallveig Rúnarsdóttir
• Píanó: Aladár Rácz
• Harpa: Gunnhildur Einarsdóttir

Kvennakór Reykjavíkur býður upp á sannkallaða jólastund á aðventunni og býður ykkur öll hjartanlega velkomin.