Konfektnámskeið Halldórs

Konfektnámskeið með Halldóri

Konfektnámskeið Halldórs hafa verið haldin síðustu 28 ár og njóta alltaf mikilla vinsælda. Þetta er tilvalin kvöldstund fyrir vinahópa, vinnufélaga, saumaklúbba eða einstaklinga sem vilja læra grunnatriði í konfektgerð.

Dagsetningar og tímar

28. október kl. 18:00 og 20:00
29. október kl. 18:00 og 20:00
30 október kl. 18:00 og 20:00 

Hver og einn þátttakandi lærir að búa til sitt eigið konfekt með fyllingu ásamt því að tempra ljóst súkkulaði (mjólkursúkkulaði).  Innifalið er kennsla, hráefni og að sjálfsögðu afrakstur kvöldsins til að taka með sér heim.  

Námskeiðið tekur um 2 klst og leiðbeinandi er Halldór Kr. Sigurðsson, konditor og bakari. 

Á námskeiðinu er einnig hægt að kaupa súkkulaði til frekari heimaframleiðslu. Námskeiðið er haldið í Gala veislusal, Smiðjuvegi 1 í Kópavogi.