Djassdúettinn Arnheiður & Gylfi í Kómedíuleikhúsinu í Haukadal!

Fimmtudagskvöldið 20. ágúst verður boðið upp á notalega djassstund í Kómedíuleikhúsinu í Haukadal.

Arnheiður, söngur, og Gylfi, píanó, hafa spilað saman um nokkurra ára skeið en halda nú í fyrsta sinn sína eigin tónleika.

Á efnisskránni verða lög úr ýmsum áttum, flutt með þeirra eigin blæ – vestfirsk djasslög, söngleikjatónlist og ýmislegt fleira.

Verið hjartanlega velkomin á huggulega síðsumarkvöldstund í Dýrafirði.