Fjöllin vakna - 7. sýning

Fjöllin vakna – ný sýning hjá Leikfélaginu Hugleik

Fjöllin vakna hjá Leikfélaginu Hugleik er ný og fjörug sýning sem leikhópurinn hefur sjálfur samið undir handleiðslu Maríu Bjartar leikstjóra og Birgittu Bjarkar aðstoðarleikstjóra og textahönnuðar.

Verkið er lauslega byggt á íslenskum þjóðsögum, þar sem vel þekktar sögur fá nýjan og skemmtilegan búning. Á sviðinu birtast litríkir og gamansamir karakterar sem leiða áhorfendur í gegnum sögur af tröllum, Djáknanum og Selshamnum, svo eitthvað sé nefnt.

Úr verður sprenghlægileg sýning, þó undir niðri megi einnig finna þann drungalega undirtón sem einkennir margar af okkar helstu þjóðsögum.

Í sýningunni eru einnig þrælskemmtileg söngatriði eftir tónlistarmennina Loft S. Loftsson, Þorgeir Tryggvason og Ármann Guðmundsson. Þeir tveir síðastnefndu skipa hljómsveit sýningarinnar sem kallar sig Kári & Korriró.

Allt áhugafólk um leikhús ætti því alls ekki að láta þessa veislu gleði, tónlistar og sköpunar fram hjá sér fara.

Staður: Hugleikhúsið, Langholtsvegi 109, 104 Reykjavík

Miðaverð:
Fullorðnir: 3.500 kr.
Börn 12 ára og yngri, öryrkjar og 70 ára og eldri: 2.000 kr.

Sýningardagar
19. mars – kl. 20:00
20. mars – kl. 19:00
20. mars – kl. 21:00
22. mars – kl. 19:00
22. mars – kl. 21:00
26. mars – kl. 20:00
27. mars – kl. 19:00
27. mars – kl. 21:00
28. mars – kl. 19:00
28. mars – kl. 21:00

Gríptu miðann þinn núna og komdu að upplifa kvöld fullt af hlátri, þjóðsögum og tónlist.