Karlakór Kjalnesinga – 35 ára afmælistónleikar

Karlakór Kjalnesinga fagnar 35 ára afmæli með glæsilegum tónleikum í Langholtskirkju!

Karlakór Kjalnesinga hefur starfað samfellt frá árinu 1991 og í dag telur kórinn um 70 virka söngmenn. Afmælinu verður fagnað með fjölbreyttri og skemmtilegri efnisskrá þar sem einkunnarorð kórsins, „Metnaðarfullur léttleiki“, verða höfð að leiðarljósi.

Á tónleikunum verður stiklað á stóru í lögum sem kórinn hefur flutt í gegnum tíðina, auk þess sem nýrri verk af efnisskrá kórsins fá að hljóma.

Sérstakir afmælisgestir verða Karlakór Dalvíkur og Karlakór Hveragerðis, sem einnig koma fram. Það má því búast við sannkallaðri söngveislu þar sem þrír öflugir karlakórar sameinast á einum stað.

Stjórnendur kóranna eru Lára Hrönn Pétursdóttir, kórstjóri Karlakórs Kjalnesinga, Þórður Sigurðarson, kórstjóri Karlakórs Dalvíkur, og Örlygur Atli Guðmundsson, kórstjóri Karlakórs Hveragerðis.

Húsið opnar kl. 15:30 og tónleikarnir hefjast kl. 16:00.

Komdu og fagnaðu 35 ára sögu Karlakórs Kjalnesinga með okkur á eftirminnilegri söngveislu!