BREK í Kirkjuhvammskirkju

Hljómsveitin BREK heldur hádegistónleika í Kirkjuhvammskirkju á Hvammstanga laugardaginn 8. ágúst kl. 12:00. 

Ný plata kemur út í haust og mun sveitin spila eitthvað af nýjum lögum í bland við efni af fyrri plötu, sem og léttar ábreiður.

BREK hefur vakið verðskuldaða athygli síðustu ár en sveitin var meðal annars tilnefnd til Íslensku tónlistarverðlaunanna í flokki þjóðlagatónlistar tvö ár í röð og hlaut verðlaunin fyrir plötu ársins í þjóðlaga- og heimstónlist árið 2022 fyrir sína fyrstu plötu. 

Síðan þá hefur Brek komið fram víða um heim, á hátíðum m.a. í Bandaríkjunum, Finnlandi, Noregi, Danmörku og Írlandi.

Á tónleikum vilja meðlimir sveitarinnar skapa áhugaverða stemningu í hljóðfæraleik sínum, auk þess sem lögð er áhersla á fjölskrúðuga notkun íslenskrar tungu í textagerð. 

Nánar um BREK:
https://www.brek.is