Fjallabræður í Háskólabíó

Fjallabræður fagna 20 ára afmæli með stórtónleikum í Háskólabíó

Fjallabræður fagna merkum tímamótum með glæsilegum tónleikum í Háskólabíó laugardaginn 3. október 2026.

Á efnisskránni verða bæði vel þekkt lög sem fylgt hafa Fjallabræðrum í gegnum tíðina, ásamt lögum sem sett hafa svip sinn á starf kórsins síðastliðin 20 ár.

Fjallabræður eru þekktir fyrir líflega framkomu, sterkan söng og einstaka nálægð við áhorfendur. Það má því búast við sannkallaðri tónlistarveislu sem skilur engan eftir ósnortinn.

Þetta er kjörið tækifæri til að upplifa Fjallabræður á einum glæsilegasta tónleikastað landsins og taka þátt í að fagna þessum merka áfanga með þeim.