PottÞétt Blika - 90’s veisla
Verið velkomin á PottÞétt tímaflakk!
Spólum til baka og segjum skilið við fullorðinsáhyggjur, snjallsímaáreiti og samfélagsmiðla um stund. Hér býðst einstakt tækifæri til að endurupplifa tíma vasadiskóa, sveitaballa og leiðangra eftir nýjustu geisladiskunum. Dragið fram gömlu Buffalo skóna og hristið rykið af Adidas smellubuxunum, köflóttu skyrtunni og magabolnum, því þið viljið ekki missa af þessari veislu!
Kvennakórinn Blika, undir stjórn Margrétar Eir, mun ásamt hljómsveit og góðum gestum leiða áheyrendur í nostalgíuferðalag aftur til áratugar sem ól af sér popp-, grunge- og danstónlist sem lifir enn í hjörtum okkar. Þið verðið ekki svikin með stærstu slögurum Britney Spears, Cranberries og Backstreet Boys, að ógleymdri Björk og íslenskri tónlistarelítu tímabilsins.
Hljómsveitarstjóri: Ingvar Alfreðsson
Sérstakir gestir: Dagur Sigurðsson og Stefanía Svavarsdóttir
Aðeins eitt kvöld og takmarkaður sætafjöldi!
Barinn verður opinn og því 20 ára aldurstakmark, nema í fylgd forráðamanna.